1ꆪ8ꑍ，ꍏꊰꑋꈭꏓꂱꁧꎁꃀꀉꒉꇖꃢꌠꃀꈿꂱꑱꁧꎁꁥꌠꆏꏓꌊꍆꋍꈜꑌꄉꐊꈴꃀꈿ，ꍔꃚꌤꑘꄛꇰꍤꇖ，ꄐꎖꄛꇰꌠꌋꆀꄐꌗꄛꇰꑠꍤꎖ。ꁧꎁꊈꈧꌠꉜꇬ，ꄛꇰꌕꏢꌠꄽꂫꊌꎁꉾꃪ，ꁻꌐꑞꅉꑟ，ꌤꃅꄐꁆꌌꉾꃪ，ꄈꍏꑷꇩꃷꑼꌜꊈꌜꍔꃚꌋꆀꍏꊈꇖꂟꅉꇬꈴ，ꆃꎭꃶꐚꐛꐪꐊꄉ，ꍏꑭꊂꂱꑱꊿꋅꏓꂱꉌꉪꐨꉉꄜ，ꈀꄸꑌꌕꑵꄛꇰꌠꊂꉬꅲꌐ。ꀊꅰꃅꍔꃚꌤꑘꄛꇰꌠ，ꅇꀨꊨꄅ、ꐊꇐꑭꋧ、ꄽꂫꊌꎁꏓꌗꇬꎃꊒ、

ꀋꎪꀋꑴ、ꀋꉬꀋꉆꌤꑘꄐꁆꄞꅐ、 ꏡꁈꂿꄐꐥꌠꌬ，ꆃꎭꃶꐨꇬꈴꄉꀻꎆꈉꐨꌠꃅ、ꉹꁌꉘꇉꐨꌠꃅ、ꊽꏯꈐꊟꊋꊡꀒꁨꉜꄉꂵꌠꄛꇰꉾꃪꑠꏢꉬ。

ꁧꎁꊿꈧꌠꉉꇬ，ꍔꃚꌤꑘꄛꇰꌠꆹꉱꑷꈴꃅꄈꅿꃀꀉꒉꑍꊏꃢꌋꆀꑍꊏꈭꑍꃢꌕꃢꐊꈴꃀ，ꌜꊈꊰꑋꈭꉬꃢꃘꃢꐊꈴꃀ，ꍏꊈꈬꈭꈬꃢꊰꃢꐊꈴꃀꈿꌠꉌꊈꏓꋧꄉ，ꀊꅰꌠꆏ2025ꈎꌤꑘꀋꉬꀋꉆꌠꀂꏽꄐꁆ，ꏟꈯꀕꃅꍏꊈꄐꇐꏤꁈꃄꌬꌊꑭꋧꈴ，ꀋꃅꎼꈎꍔꃚꌤꑘꃅꍜꊨꄅꎼꇁ。ꃀꈿꈽꇁꌠꊿꉉꇬ，ꈀꄸꑌꏓꂱꉹꁌꇤꋀꊇꁵꌠꌅꈌꀧꌋꋒꃅꄉ，ꏟꈯꀕꃅꊨꏦꃅꐨꃅ，ꆃꎭꃅꋊꀊꏀꋈꄻꌠꎁꃅꏓꂱꁧꎁꊋꃤꅐꌞ。